This website uses non-intrusive cookies to improve your user experience. You can visit our cookie privacy page for more information.

کارکنوں کے لئے راہنمائی

  • برطانوی صحت و حفاظت کے قانون کے تحت تمام کارکنوں کو یکساں حفاظت حاصل ہے قطع نظر اِس کے کہ وہ یہاں قانونی طور پر کام کررہے ہیں یا نہیں۔
  • آپ کے آجر کو لازمی طور پر آپ کی صحت، حفاظت اور بہبود کی حفاظت کرنا چاہیے۔
  • ہر کارکن کو کام کی ایسی جگہ کا حق حاصل ہے جہاں پر صحت و حفاظت کو درپیش خطرات پر مناسب طریقے سے قابو پایا جاتا ہو۔
  • آپ کو یہ جاننے کا حق حاصل ہے کہ کون آپ کو ملازمت پر رکھتا ہے۔ اگر آپ کو معلوم نہیں ہے – تو پوچھیں۔
  • برطانوی صحت و حفاظت کے قانون کے تحت کچھ چیزیں ایسی ہیں جنہیں آپ کو لازماً کرنا ہے۔

آپ کے آجر کے لئے کیا کرنا ضروری ہے

عمومی

  • آپ کی جاب سے متعلق آپ کی صحت و حفاظت کو درپیش کسی قسم کے خطرات کے بارے میں آپ کو بتانا۔
  • سرٹیفیکیٹ کو سامنے لگائیں جو یہ دکھاتا ہو کہ اُن کے پاس آجروں کی ذمہ داری کی لازمی انشورنس موجود ہے۔

معلومات اور تربیت

  • آپ کو محفوظ طریقے سے کام کرنے کے لئے درکار معلومات، تعلیم اور تربیت مہیا کرے اور اِس بات کو یقینی بنائے کہ آپ یہ سمجھ چکے ہیں – اِن کا انگریزی میں ہونا ضروری نہیں ہے۔
  • اِس بات کو یقینی بنائے کہ کام کی جگہ پر موجود کسی قسم کے حفاظتی نشانات کو آپ سمجھتے ہیں۔
  • اِس بات کو یقینی بنائے کہ آپ ہمیشہ کسی تجربہ کار سُپراوئز سے بات کرسکتے ہیں اور یہ کہ آپ ایک دوسریےکی بات سمجھ سکتے ہیں۔

اوزار اور کپڑے

  • آپ کو کسی قسم کی مشینری چلاانے کی اجازت نہ دے جب تک آپ کو مناسب تربیت نہ مہیا کی گئی ہو۔
  • اِس بات کو یقینی بنائے کہ اوزار جنہیں آپ کو استعمال کرنے کی ضرورت ہے وہ درست ہیں اور اِن کی مناسب دیکھ بھال کی گئی ہے.
  • اگر ضرورت پڑے تو آپ کو (مفت) حفاظتی سامان اور لباس مہیا کرے جوکہ اگر آپ کو باہر کام کرنا پڑے تو گرم اور/یا واٹرپروف ہو ۔

آپ کی بہبود

  • اِس بات کو یقینی بنائے کہ بیت الخلا اور صفائی کے لئے مناسب سہولیات دستیاب ہیں جن کو آپ استعمال کرسکیں اور پینے کا صاف پانی بھی دستیاب ہے۔
  • اِس بات کو یقینی بنائے کی آپ کو ہنگامی ابتدائی طبّی امداد مل سکتی ہے۔
  • کسی قسم کے زخموں، بیماری یا وقوع پزیر ہونے والے خطرناک واقعات کا ریکارڈ اور ان کے بارے میں ہیلتھ اینڈ سیفٹی ایگزیکٹیو (ایچ ایس ای)

عورتیں اور نوجوان بچے

  •  بچوں کو پیدا کرنے کی عمر تک پہنچنے والی خواتین کو کسی قسم کے امکانی خطرات کو زیرِغور لاَئے، خاص طور پر اگر وہ حاملہ ہوں یا بچوں کو اپنا دودھ پلاتی ہوں۔ آپ کو چاہیے کہ آپ (تحریری طور پر) اپنے آجر کو بتائیں کہ آپ حاملہ ہیں، بچے کو اپنا دودھ پلا رہی ہیں یا آپ نے پچھلے چھ ماہ میں بچے کو جنم دیا ہے: اور
  •  18 سال سے کم عمر کے کارکنوں کی ضروریات کے بارے میں غور کرے اور اگر ضروری ہو تو اُن حفاظت کے لئے مزید اقدام اٹھائے۔

بطور اجیر آپ کو کیا کرنا چاہیے

  • اِس بات کو یقینی بنائیں کہ جو کچھ آپ اپنے کام کی جگہ پر کرتے ہیں اِس سے آپ اپنے آپ کو یا دوسرے لوگوں کو خطرے میں نہ ڈالیں
  • کام کی جگہ پر صحت و حفاظت کے خطرات کو کم کرنے میں اپنے آجر کی مدد کریں
  • کام والے کسی بھی اوزار کو اُس طرح استعمال کریں جس طریقے سے آپ کو تربیت دی گئی ہے
  • آپ کی صحت و حفاظت کے لئے مہیا کی جانے والی کسی بھی چیز کو مناسب طریقے سے استعمال کریں

کیا کریں اگر آپ اپنی صحت و حفاظت کے بارے میں خدشات کا شکار ہیں

  • اپنے آجر، مینجر یا سُپروائزر سے بات کریں۔
  • اپنے حفاظتی نمائیندے سے بات کریں اگر کوئی ہے تو۔

برطانوی قانون کے تحت آپ کو دوسرے بنیادی حقوق حاصل ہیں جیسا کہ اِس بات کی حد کہ آپ کو کتنے لمبے دورانیے کے لئے کام کرنا ہے، چُھٹیاں، آرام کے وقفے اور تنخواہ کے ساتھ سالانہ چُھٹیاں۔

آیچ ایس سی نے بیرونِ ملک کارکنوں کے لئے ایک جیبی کارڈ بنایا ہے:

معلومات کا اطلاق تمام صنعتوں پر ہوتا ہے۔

اِس کا ترجمہ کئی مختلف زبانوں میں ہوچکا ہے۔

ہمارے کئی ایک تشہیری مواد کا ترجمہ انگریزی کے علاوہ دوسری زبانوں میں ہوچکا ہے۔ یہ زبانوں کی ویبب سائٹ پر دستیاب ہیں۔

Updated: 2013-09-11