Payo sa mga manggagawa
- Lahat ng manggagawa ay nakakakuha ng magkakaparehong pangangalaga sa ilalim ng British health and safety law (batas pangkalusugan at pangkaligtasan ng Britannia), maging sila ay legal na nagtatrabaho dito o hindi.
- Kailangang pangalagaan ng iyong amo ang iyong kalusugan, kaligtasan at kapakanan.
- Bawat manggagawa ay may karapatan sa lugar ng trabaho kung saan ang panganib sa kalusugan at kaligtasan ay naisasaayos ng wasto.
- May karapatan kang malaman kung sino ang pinaglilingkuran mo. Kung hindi mo alam, magtanong.
- May ilang bagay kang dapat gawin sa ilalim ng batas pangkalusugan at pangkaligtasan ng Britannia.
Ano ang dapat gawin ng iyong amo
Pangkalahatan
- Sabihin sa iyo ang anumang panganib sa iyong kalusugan at kaligtasan kaugnay ng iyong trabaho.
- Ipakita ang katibayan na mayroon siyang Employers’ Liability Compulsory Insurance (Kinakailangang Seguro sa Pananagutan ng Amo).
Impormasyon at pagsasanay
- Bigyan ka ng impormasyon, tagubilin at pagsasanay na kailangan mo para makapagtrabaho ng ligtas at siguruhin na naiintindihan mo ang mga ito. Hindi kailangang nasa Ingles ang mga ito.
- Siguruhing maiintindihan mo ang anumang tandang pangkaligtasan sa lugar ng iyong trabaho.
- Siguruhing palagi kang may makakausap na superbisor na may karanasan at nagkakaintindihan kayo.
Mga kagamitan at pananamit
- Hindi ka papayagang magmaneho o magpaandar ng anumang makinarya hanggang hindi ka sinanay ng tama.
- Siguruhin na anumang kagamitan na kailangan mong gamitin ay nararapat at naalagaan nang tama.
- Kung kinakailangan, bigyan ka ng (libre) kagamitan o pananamit na pang proteksyon, na dapat ay mainit at/o hindi tatagusin ng tubig kung kailangan kang magtrabaho sa labas.
Ang iyong kapakanan
- Siguruhing may mga sapat na pasilidad na palikuran at hugasan na maaari mong gamitin at malinis na tubig na maiinom.
- Siguruhing maaari kang makakuha ng emergency first aid.
- Magtala ng anumang kapahamakan, sakit o mapanganib na pangyayari at ipaabot ito sa Health and Safety Executive (HSE) (Pinunong Pangkalusugan at Pangkaligtasan).
Mga kababaihan at kabataan
- Pag-aralan ang anumang pnganib sa mga babaeng maaari pang manganak, lalo na kung sila ay nagdadalangtao o nagpapasuso ng sanggol.
- Pag-aralan ang mga pangangailangan ng mga manggagawang wala pang labing walong (18) taon.
Ano ang dapat mong gawin bilang manggagawa
- Siguruhin na ang ginagawa mo sa trabaho ay hindi magdudulot ng panganib sa iyo at sa ibang tao.
- Tulungan ang inyong pinaglilingkuran na mabawasan ang mga panganib sa kalusugan at kaligtasan sa lugar ng trabaho.
- Gamitin ang anumang makinarya sa trabaho sa paraang sinanay ka.
- Gamitin ng wasto ang anumang ibinigay sa iyo para sa iyong kalusugan at kaligtasan.
- Ipaalam sa iyong pinaglilingkuran, (sa paraang nakasulat), kung ikaw ay nagdadalantao, nagpapasuso ng sanggol o nanganak sa loob ng huling anim (6 ) na buwan.
Ano ang gagawin kung nababahala ka sa inyong kalusugan at kaligtasan
- Kausapin ang iyong pinaglilingkuran, namamahala o superbisor.
- Kaausapin ang iyong kinatawang pangkaligtasan kung mayroon.
Sa ilalim ng batas ng Britannia, may mga batayang karapatan ka , gaya ng hangganan ng haba ng pagtatrabaho, oras ng pahinga at mga bayad na taunang bakasyon.
Ang HSE ay nakagawa ng isang pambulsang kard para sa mga migranteng manggagawa :
Ito ay nagbibigay ng batayan at mahalagang impormasyon tungkol sa iyong karapatan at pananagutan sa ilalaim ng UK health and safety legislation (batas pangkalusugan at pagkaligtasan ng Britannia) - ito ay inilalapat sa lahat ng industriya, hindi lamang agrikultura at pagpoproseso ng pagkain. Ito ay naisalin na sa iba’t-ibang wika.
Marami sa aming publikasyon ang naisalin na rin sa ibang wika bukod sa Ingles. Maaari itong makita o makuha sa sumusunod na link:
