Hyfforddiant a goruchwyliaeth iechyd a diogelwch

Mae'r gyfraith iechyd a diogelwch yn dweud:

• y dylid hyfforddi cyflogeion o ran eu dyletswyddau a rhoi cyfarwyddiadau clir iddynt yn hyn o beth;
• rhaid i gyflogwyr a chwmnau cynnal sicrhau y caiff contractwyr eu hyfforddi'n gywir i weithio'n ddiogel.

Mae angen i bawb sy'n gweithio i chi, gan gynnwys pobl hunangyflogedig, wybod sut i weithio'n ddiogel a heb risgiau i iechyd. Felly mae angen i chi eu hyfforddi er mwyn sicrhau eu bod yn gwybod pa beryglon a risgiau y gallent eu hwynebu, sut i ymdrin 'r risgiau hynny ac unrhyw weithdrefnau argyfwng. Dylid cynnal hyfforddiant iechyd a diogelwch yn ystod oriau gwaith ac ni ddylai cyflogeion dalu amdano.

Gallai fod gan rai cyflogeion anghenion hyfforddi penodol, er enghraifft:

• recriwtiaid newydd;
• pobl sy'n newid swyddi neu sy'n cymryd cyfrifoldebau ychwanegol;
• cyflogeion ifanc sy'n arbennig o agored i ddamweiniau;
• cynrychiolwyr iechyd a diogelwch.

Mae angen i chi sicrhau y caiff cyflogeion newydd, amhrofiadol neu ifanc oruchwyliaeth ddigonol.

Mae'n bwysig eich bod yn cadw cofnod o'r holl hyfforddiant i ddangos y caiff ei gynnal ac fel y gallwch weld pryd y gallai fod angen ei ailadrodd. Dylech ymgynghori gweithwyr neu eu cynrychiolwyr i sicrhau bod yr hyfforddiant yn berthnasol ac yn effeithiol.

Dylid ailadrodd yr hyfforddiant o bryd i'w gilydd os gwneir y gwaith y mae'n gysylltiedig ag ef yn achlysurol yn unig. Er enghraifft, os bydd rhywun yn cyflenwi ar gyfer rhywun arall tra eu bod i ffwrdd; ni wneir proses yn aml; neu weithdrefnau argyfwng.

Taflenni perthnasol HSE am ddim:

• Health and safety training: What you need to know INDG345 [175kb] (cliciwch am gynnwys Saesneg)
• Passport schemes for health, safety and environment: a good practice guide INDG381 [25kb] (cliciwch am gynnwys Saesneg)
• Y cychwyn cywir: Profiad gwaith ar gyfer pobl ifanc [96kb] (cliciwch am gynnwys Saesneg)