Asesiadau risg iechyd a diogelwch

Fel cyflogwr, mae'r gyfraith yn ei gwneud yn ofynnol i chi asesu a rheoli risgiau iechyd a diogelwch eich busnes.

Archwiliad gofalus yw asesiad risg o'r hyn, yn eich gwaith, a allai achosi niwed i bobl. Mae'n golygu y gallwch bwyso a mesur i weld a ydych wedi cymryd digon o ragofalon, neu a ddylech wneud mwy i atal niwed.

I'r rhan fwyaf o fusnesau, nid yw hyn yn anodd.

Mae gwefan rheoli risgiau (cliciwch am gynnwys Saesneg) HSE yn rhoi camau ymarferol i'w dilyn, yn cynnwys:

• Pum cam i asesu risgiau (cliciwch am gynnwys Saesneg). Credwn mai hwn yw'r dull mwyaf syml ar gyfer y rhan fwyaf o sefydliadau. Fodd bynnag, nid dyma'r unig ffordd o gynnal asesiad risg. Mae dulliau eraill yn gweithio'n dda, yn arbennig ar gyfer risgiau ac amgylchiadau mwy cymhleth.
• Asesiadau risg enghreifftiol (cliciwch am gynnwys Saesneg). Bydd yr enghreifftiau hyn yn eich helpu i weld sut y gallai asesiad risg edrych. Maent yn dangos y dylai asesiad risg fod yn ymarfer sy'n nodi camau ymarferol i ddiogelu pobl rhag niwed, nid ymarfer biwrocrataidd.