Mae polisi iechyd a diogelwch yn nodi eich ymagwedd gyffredinol, eich amcanion a'r trefniadau sydd ar waith gennych ar gyfer rheoli iechyd a diogelwch yn eich busnes. Mae'n ddogfen unigryw sy'n nodi pwy sy'n gwneud beth, pryd a sut.
Os oes gennych bum cyflogai neu fwy, rhaid i chi feddu ar bolisi ysgrifenedig.
Nid oes angen i bolisi iechyd a diogelwch fod yn gymhleth nac yn llafurus. Mae'n dweud wrth eich staff ac eraill am eich ymrwymiad i iechyd a diogelwch, ac yn disgrifio'n syml sut y byddwch yn gweithredu ac yn monitro rheolaethau iechyd a diogelwch.
Lawrlwythwch y Templed Asesiad Risg a Pholisi . Mae'r templed hwn yn dwyn ynghyd eich asesiad risg, polisi iechyd a diogelwch a threfniadau cofnodi iechyd a diogelwch mewn un ddogfen i'ch helpu i ddechrau ar y gwaith ac arbed amser i chi. Ceir polisi iechyd a diogelwch enghreifftiol sy'n dangos beth y mae angen i chi feddwl amdano a'i gynnwys wrth baratoi eich polisi eich hun.
Hefyd gall y templed eich helpu i baratoi eich asesiad risg, ac mae ystod o asesiadau risg enghreifftiol y gellir eu defnyddio fel canllaw. Ond, peidiwch â phoeni os oes gennych asesiad risg eisoes, dim ond y rhan polisi o'r templed y bydd angen i chi ei chwblhau.
Mae polisi yn wahanol i a sesiad risg.
Dim ond os byddwch chi a'ch staff yn gweithredu arno, yn ei ddilyn ac yn ei adolygu'n rheolaidd y bydd polisi'n effeithiol.
Gallwch ddefnyddio'r ffurflen hon i gwblhau eich datganiad polisi:
