Mae'r gyfraith yn dweud bod yn rhaid i gyflogwyr gael Yswiriant Gorfodol Atebolrwydd Cyflogwyr. Os yw hyn yn berthnasol i chi, rhaid i chi arddangos y dystysgrif lle y gall eich staff ei darllen yn hawdd. Gellir codi dirwy arnoch os nad oes gennych bolisi cyfredol.
Gallai eich staff gael eu hanafu neu gallent fynd yn sâl oherwydd eu gwaith i chi. Gallent geisio hawlio iawndal gennych os ydynt o'r farn mai chi sy'n gyfrifol. Mae Yswiriant Gorfodol Atebolrwydd Cyflogwyr yn golygu eich bod wedi eich diogelu rhag hawliadau fel hyn.
Rhaid i chi ddefnyddio yswiriwr awdurdodedig. Mae gan yr Awdurdod Gwasanaethau Ariannol (FSA) restr o yswirwyr awdurdodedig. Gallwch edrych i weld a yw cwmni wedi'i awdurdodi drwy chwilio'r gofrestr yn www.fsa.gov.uk neu drwy ffonio llinell gymorth defnyddwyr FSA ar 0845 606 1234.
Yr ateb, bron yn sicr, yw 'oes'. Fodd bynnag, efallai na fydd ei angen arnoch os nad oes gennych gyflogeion, os ydych yn fusnes teuluol ac yn perthyn yn agos i'ch staff, neu os ydych yn sefydliad cyhoeddus (er enghraifft, adran o'r llywodraeth neu gorff gwasanaeth iechyd).
Am ragor o wybodaeth, yn cynnwys:
